Нийслэлийн ИТХ-ын ээлжит бус XIII хуралдаанаар нийслэлийн 2026 оны төсөвт нэмэлт, өөрчлөлт оруулах тухай тогтоолын төслийг хэлэлцэн баталлаа.

Тодотголоор өвөлжилтийн бэлтгэл ажлыг хангах, гэр хорооллын айл өрхүүдийг хийн түлшний халаагуурт шилжүүлэх төсөл, хагас коксон түлшний үйл ажиллагаанд шаардлагатай санхүүжилтийг шийдвэрлэхээр болсон байна.

Мөн шинэ төв цэвэрлэх байгууламжтай холбоотой “Туул-1 коллектор”-ын засвар, шинэчлэл болон “Агро сити” эдийн засгийн тусгай бүсийн үйл ажиллагаанд шаардлагатай хөрөнгийг төсөвт нэмж тусгажээ.

Хуралдааны үеэр төсвийн тодотголыг хууль тогтоомжийн хүрээнд боловсруулсан бөгөөд хууль зөрчөөгүй гэдгийг Нийслэлийн Засаг дарга бөгөөд Улаанбаатар хотын Захирагч Б.Пүрэвдагва онцолсон юм.