УЦУОШГ-ын урьдчилсан мэдээгээр 2026 оны зун хур тунадас олон жилийн дунджаас ахиу орж, гол мөрний усны түвшин эрс нэмэгдэх төлөвтэй байна. Тухайлбал, Туул голын түвшин 248 см, Сэлбэ голын түвшин 90 см-ээр нэмэгдэх хандлагатай байгаа аж.
Үүнтэй холбоотойгоор Нийслэл болон холбогдох байгууллагууд үер усны аюулаас урьдчилан сэргийлэх, иргэдэд сэрэмжлүүлэг мэдээлэл хүргэх ажлыг эрчимжүүлэхээр ажиллаж байна.
Дулааны улирал эхэлж, голын эрэг дагуу амарч, зугаалах иргэдийн хөдөлгөөн нэмэгдэж буй энэ үед Онцгой байдлын байгууллагаас хүүхдийг хараа хяналтгүй явуулахгүй байх, согтууруулах ундаа хэрэглэсэн үедээ гол усанд орохгүй байхыг онцгойлон анхаарууллаа. Мөн үер усны эрсдэлтэй бүсэд сонор сэрэмжтэй байж, аюулгүй байдлаа хангахыг зөвлөж байна.
